Það þarf ekki mikil efni eða ríkidæmi ti að koma upp hljómsveit í Malaví. Bara slá saman nokkrum spítum, fá strengi, skrúfa saman nokkra trétakka og súrrra saman bumbur, þá er komin hljómsveit.
Íslendingar eru vel metnir og þakkað kærlega þegar áfanga lýkur við þróunarverkefni. Íbúar slá upp dansi að hefðbundum sið og vilja með því koma á framfæri þakklæti til íslensku þjóðarinnar.
Kosningabaráttan er löngu hafin í Malaví - ári fyrir kosningar í maí 2009.
Í kyrrátri sveit langt úti í fjarskanum birtist allt í einu þessi fylking stuðningsamanna forsetans, mennsungu og hlógu og blístruðu og kölluðu slagorð - allt í miklu gleðistuði. Margir í bolum, pilsum eða með spjöld merkt forsetanum.
Rafbókarkaupin eru einföld á síðu Forlagsins og þú færð hana beint í tölvu eða á lesbretti samstundis!
Innsetning
Melónur og grasker, sett upp af listfengi við þjóðveginn til að örva sölu. Það gerist ekki betra í listaháskólum ef farið er út í form og liti. Hér má glöggt sjá að enginn ávöxtur er þar sem hann er fyrir tilviljun.
Jólasöngurinn 2011
Suður afríski söngurinn, þjóðsöngur þriggja landa og baráttusöngur blökkumanna. Jólasöngur okkar í ár. Upphaflega sálmur á 19.öld á máli frumbyggja, en tók svo breytingum. Hér er þýðingin nálægt fyrstu útgáfu, en konurnar syngja hann sem þjóðsöng Suður Afríku. Tansanía og Sambía nota einnig sem þjóðsöng, og áður gerðu Namibía og Zimbabwe það líka. Konurnar í Enza smiðjunni færa okkur sönginn beint frá hjartanu: Blessaðu Guð Afríku, megi hún lyfta hornum sínum hátt. (stærri mynd á www.youtube.com/stefanjon).
Götufólk í listasmiðju
Húsnæðislaust fólk í Höfðaborg notar afríska skreytihefð til að búa til lisræna muni til sölu. Verkstæðið og galleríið eru hér, góða skemmtun!
Fjögurra landa ferð -myndband
Fjögur lönd, fjórar mínútur: Myndband sem sýnir mannlíf og náttúru í Namibíu, Mósambik, Malaví og Botswana. Fjölbreytni ræður ríkjum í álfunni sunnanverðri!
Myndband: Vatnsból fyrir himba
Þessar tvær himafrúr eru í vatnsnefnd sem gætir þess að allt sé í sómanum hjá nýju vatnsbóli sem Þróunarsamvinnustofun gerði í heimabyggð þeirra. Alls eru vatnsbólin 33 í norð-vesturhluta Namibíu þar sem hjarðmenn lifa af nautgriparækt. Hér er myndband sem sýnir aðstæður og fólkið sem nýtur þessarar aðstoðar.
Frelsissöngurinn
Lucius Banda er þekktasti tónlistarmaður Malaví. Hér með Frelsissönginn stórbrotna og við sýnum hinar ýmsu ásjónur landsins með.
Ný stuttmynd: Gengið á villidýramörk
Það er stórkostlegt að hitta dýrin á villimörkinni jafnfætis þeim í orðsins fyllstu merkingu. Gönguferð kom okkur í nágvígi við þennan fallega fíl, en svo komu 40 aðrir! Og apar, flóðhestar, vísundar og antilópur. Þetta vag gönguferð í lagi og myndin er hér.
Nýtt myndband: Sveitalífið
Nú nálgast uppskerutíminn, akrar eru blómlegir farvegir ánna fullir af vatni sem flæðir fram. Fólkið býr sig undir að hirða góðan forða til ársins, en á meðan gengur lífið sinn vanagang í sveitinni. Við skoðum mannlíf og skepnur auk fagurra tómata í fylgd með þremur konum sem ganga um veginn með fallegar regnhlífar, til að verjast sól eða regni, hvort sem það nú er þá stundina. (Mars 2009). Sjá hér.
Ekkert hrun á mörkuðum hér!
Helgarinnkaupin eru öðruvísi í Afríku en í stórmarkaðavæddum iðnríkjum, hér fara menn víða og leita fanga eftir geitum, hænum, grænmeti eða skyndibita. Stuttmynd sýnir lífið á laugardagsmorgni þegar heimamenn í Malaví ná sér í innkaup helgarinnar. Sex mínútur af stuði. Malaví - götumarkaður
Einn dagur með dýrunum
Ný stuttmynd á vefnum: Hvernig ferðamaður upplifir villidýramörkina í Afríku á einum degi. Myndin er 11 mínútur að lengd og sést hér í góðri upplausn.
Veftímarit - áskrift
Veftímaritið kemur til áskrifenda gjaldfrjálst. Skráning hér.
Dýrin í þjóðgarðinum. Myndasagan í samfellu er hér.Og fyrir þá sem vilja skoða þær stakar í fullri stærð er myndasíða hér.
Ferðamenn í Afríku
Ferðamannaparadísin Namibía með Íslendingum í heimsókn.
Hádegisverðarfundur með hjarðmönnum
Við sátum hádegisverðarfund um vatnsból og beitarmál en fyrst var elduð geit, myndbandið er hér.
Kátir krakkar
Iðandi mannlíf og krakkar í stuði. Þeim finnst mikilvægt að senda ljósmyndara ,,tákn" með fingrum eins og þau sjá á myndum frá hinum stóra heimi. Hvað þau þýða ef nokkuð nema stælinn veit maður ekki. Sjá myndband um litríkt mannlíf og götustemmingar hér.
Útvörður á Góðrarvonarhöfða! Bannað að gefa bavíönum. Við skoðum Höfðaborg og nærsveitir hér.
Zebrahestar
Zebrahestarnir eru fallegar skepnur sem engum tekst að temja. Fara um í hjörðum og skiptast í sléttuzebra og fjallazebra eftir búsvæðum. Fjallasebrar hafa þéttari rendur og ná þær lengra niður með fótleggjum. Enginn hestur hefur sama mynstur og anna. Sjá einnig fleiri myndir hér.
Fíll í ham
Hann var svo sannarlega í ham þessi sem sýndi hinum dýrunum við vatnsbólið hver ræður. Við sátum inni í bíl og horfðum á zebradýr, sverðhyrnur og gírafa njóta þess saman að svelgja úr vatnsbólinu. Jafnvel litlu stökkhyrnurnar sem alltaf eru síðastar í röðinni fengu að vera með. Þá kom hann. Ungur tarfur og ekki hress, einn á ferð og sýndi hinum hvar Davíð keypti ölið. Myndavélin fór á loft þegar hann skálmaði framhjá bílnum örstutt frá okkur og gírafarnir voru við það að bugast. Sverðhyrnur og zebrar hrukku undan en sá stóri sveifst einskis, drakk og fór í leirbað til að úða á sig sólarvörn! Sjá atganginn hér!
Fílarnir fræknu
Ljónið er kallað konungur dýranna, en hvað með þessa skepnur? Óttast engann. Fílarnir eru stórkostlegar skepnur í návígi. Hér má sjá fleiri myndir, og flottir eru ungu tarfarnir eins og sjá mátti af þessum!
Hjálp fyrir hugsjónakonu
Stuttmyndin um hugsjónakonuna Christinu Kharassis og draum hennar um að breyta sól í orku í sumarbúðunum sem hún stofnaði handa fátækum börnum hefur kveikt í mörgum. Ég skrifaði líka grein í Fréttablaðið það sem hún kom við sögu.
Elsta planta í heimi
Úti í elstu eyðimörk heims getur að líta elstu plötu veraldar. Það er magnað að sjá hvernig þessar plöntur hafa aðlagast harðingum og þurrki. Hver planta um sig getur lifað öldum saman, og sú elsta skaut rótum fyrir daga Íslandsbyggðar. Við förum og skoðum þær hér.
Júlía og Valgerður kenna táknmál
Meðal þess sem ég vann að í Namibíu fyrir Þróunarsamvinnustofnun var að undirbúa verkefni til hjálpar heyrnarlausum. Staðan í þeim málum er svipuð og á Íslandi fyrir ártugum. Börnin fá enga menntun, eru jafnvel útskúfuð, foreldrar skammast sín fyrir þau og fá enga aðstoð sjálfir til að skilja kringumstæðurnar eða bæta hag barna sinna. Verkefni fyrir heyrnarlausa er nú á fullu í Namibíu.
Þær Júlía Hreinsdóttir og Valgerður Stefánsdóttir komu nokkrum sinnum að heiman okkur til halds og trausts og ráðgjafar, og hér má sjá þær á vettvangi.