Það er mikið ævintýri að setjast ,,til borðs" með ljónum. Við vorum svona tíu manna hópur sem fór í kvöldmyrkrinu inn á lokað svæði, gengum álút inn í lítið jarðhýsi með bekkjum innan við þrönga sjónrauf sem varin var með rimlum. Dauf skíma lýsti upp væna síðu af nauti. Allir þögðu. Beðið var eftir að aðalleikarinn kæmi inn á sviðið. Við bjuggumst við honum utan úr myrkrinu. En hann vippaði sér allt í einu fyrir hornið á hýsinu og stóð innan seilingar! Ljósgulur skrokkur á stærð við hest, fæturnir lægri en loppurnar þungar og voldugar, makkinn rauður og augun pírð. Þetta var lífsreyndur feldur sem lagaði sig að vöðvastæltum skrokki. Lyktin fyllti vit okkar, þung lykt af hárum, afrískri mold og einhverju sem maður vissi ekki hvað var. Kounungur dýranna settist að snæðingi og við þorðum varla að draga andann. Hann var rétt utan við seilingarfjarlægð og þegar hrjúf tungan sleikti beinin mátti heyra eins og sandpappír væri dreginn yfir fjöl... Myndirnar eru teknar í kvöldhúminu svo það rétt grillir í dýrin, en samt, gjörið svo vel og sláist í hópinn...(opna myndskeið). |
Tilboð |
Tilboðsverð á útgáfuafmæli: Afhending á Reykjavíkursvæði, kr. 4000
Sett í póst: 4500 ef pöntunin er út á land.
Sendið pöntun í pósti á stefanjon@islandia.is
Rafbókin fæst á forlagid.is
Heimurinn eins og hann er í Sílfrinu Byrjar á 47. mínútu.
Ítarlegt viðtal Egils Helgasonar við höfund.
Rafbókin fæst á aðeins 2990! |
Bókin sem talað er um, á mannamótum og fjölmiðlum:
Egill Helgason í Silfrinu tók ítarviðtal
Kiljan, Þorgeir og Kolbrún: Frábær leiðsögumaður! Frá 6. mínútu.
Sverrir Norland Rás 1: Allur þátturinn Upp á nýtt.
Gunnar Smári: Rauða borðið: 90 mínútur, mest um bókina í síðari hluta.
Þórunn Elísabet, Morgunvaktin: eftir eina klst og 18 mínutur á mælinum.
Gísli Marteinn: Þáttur með góðum gestum.
Rafbókarkaupin eru einföld á síðu Forlagsins og þú færð hana beint í tölvu eða á lesbretti samstundis!
Heimildaskrá fyrir Heiminn eins og hann er |
Hér er heimildaskrá bókarinnar.
Hin stóra mynd af stöðu heimsins |
Stefán Jón notar form persónulegrar heimildasögu til að gefa lesanda leiðarvísi að betri skilningi á stöðu heimsins eins og hann er. Höfundur hefur áður beitt þessu formi í bókum sem var vel tekið: Guðirnir eru geggjaðir, ferðasaga frá Afríku (1991), New York! New York! (1993) og Afríka, ást við aðra sýn (2014). Þessi saga er ekki einungis um raunverulegar ógnir. Hún er ákall til okkar, mannanna, um að elska allt sem lífsanda dregur.
Persónuleg heimildasaga |
Í þessari bók segir Stefán Jón Hafstein frá. Hann á að baki langan feril við þróunarsamvinnuverkefni í Afríku og hjá alþjóðastofnunum. Hann býr að yfirsýn og reynslu sem hann nýtir til að miðla þekkingu sem varðar okkur öll á þann hátt að auðskilið verður.
Leiðarstefið er ljóst: Allt tengist. Loftslagsváin er eitt stórvandamál og ósjálfbær matvælaframleiðsla sífellt stækkandi mannkyns annað. Hrun vistkerfanna tengist manninum sem er einræðisherra á jörðinni og misnotar vald sitt.